No 1 News portal From Nepal in Nepali

थाहा पाइराख्नुहोस् कुन झारपात कुन रोगका लागि हुन्छ उपयोगी ?

जडिबुटी नेपालको सम्पत्ति हो । हाम्रा पितापुर्खाले यही जडिबुटी अर्थात आफ्नै बारी र भिरपाखाका झारपातबाट दीर्घजीवन प्राप्त गरेका थिए । तर, पछिल्लो पुस्ता यसबाट अनविज्ञ मात्र छैन । यसप्रति पुरै उपेक्षा गरेर अघि बढेको छ । तर, आफैमा सुगन्ध बोकेर सुगन्धको खोजीमा दौडिएको कस्तरीझै भएका हामी आफ्नै परम्परागत विधिमा फर्कनुको विकल्प छैन । किनभने हाम्रा बारीका कान्लाहरुमा उम्रने, बढ्ने र हुर्कने हरेक झारपातमा औषधिको महत्व छ । आवश्यक यति मात्र हो कि त्यसको पहिचान र प्रवर्द्धन हुन सकेको छैन । त्यस्तै तपाईकै बारीका कान्लामा रहेका केही झारपातको महत्व यहाँ उल्लेख गरिएको छ ।

तुलसी: ज्वरो, रुघा, खोकी, क्यान्सर आदि रोगमा उपयोगी हुन्छ । निम: छाला, रगत र दाँतसम्बन्धी रोगमा फाइदाजनक मानिन्छ । बेसार: क्यान्सर, घाउचोट, रक्त विकार आदिमा प्रयोग गर्न सकिन्छ । अमला: आँखा, पेट, शारीरिक कमजोरी एवं केशसम्बन्धी समस्यामा उपयोगी हुन्छ । जामुन: मधुमेह, दाँत, मुख, घाँटी आदिको समस्यामा प्रयोग गर्दा पर्याप्त फाइदा हुन्छ ।

अर्जुन: हृदय तथा हड्डी रोगमा उपयोगी हुन्छ । अम्बा: मुखको घाउका साथे घाँटी, दाँत एवं पेटको रोगमा लाभ लिन सकिन्छ । पत्थरचट्टा: पत्थरी तथा पिसाबसम्बन्धी समस्यामा प्रयोग गर्न सकिन्छ । बेल: मधुमेह, उच्च रक्तचाप, गर्मी आदि समस्यामा उपयोगी हुन्छ । अदुवा: दम, रुघाखोकी, जन्डिस, जोर्नीको पीडा आदिमा प्रयोग गर्नु फाइदाजनक हुन्छ । प्याज: आँखा, कानका साथे गर्मीको समस्यामा लाभदायक मानिन्छ । घोडताप्रे: तनाव, अनिन्द्रा एवं मस्तिष्कसम्बन्धी समस्यामा उपयोगी हुन्छ ।